Suliffeqarfiit kommuninut agguaanneri, akissarsialiussanut aammalu suliffeqarfiit suliaqarfiinut pingaarnernut agguataarneri

Takussutissiaq 2-mi takutinneqarput suliffeqarfiit kommuninut agguaanneri aammalu akissarsialiussat pct.-inngorlugit kommuninut agguaanneri. Takus­sutissiami erserpoq Avannaata kommuniani aammalu Kommuneqarfik Ser­mersuumi suliffeqarfiit amerlanerpaajusut. Aammattaaq takuneqarsinnaavoq akissarsialiussat pct.-inngorlugit Kommuneqarfik Sermersuumi anner­paasimasut, 2020-mi akissarsialiussat 65,7 pct.-ii Kommuneqarfik Sermer­suumi akiliutigineqarsimallutik.

 

Takussutissiaq 2. Suliffeqarfiit amerlassusaat kommuninut agguaallugit aammalu akissarsialiussat kommuninut pct.-inngorlugit agguataarneri, 2016-2020

	2016	2017	2018	2019	2020
	Suliffeqarfiit amerlassusaat
Kommune Kujalleq  ..........	332	324	329	334	300
Kommuneqarfik Sermersooq ....	1.315	1.347	1.331	1.341	1.202
Qeqqata Kommunia ..........	536	540	544	524	491
Kommune Qeqertalik .........	435	423	427	434	369
Avannaata Kommunia ........	1.229	1.221	1.205	1.242	1.179
Paasissutissartaqanngitsut .....	113	139	126	112	128
Katillugit ..................	3.960	3.994	3.962	3.987	3.669
	Akissarsialiussat pct.-inngorlugit
Kommune Kujalleq  ..........	4,3	4,1	4,1	4,2	3,9
Kommuneqarfik Sermersooq ....	65,4	66,5	65,6	65,5	65,7
Qeqqata Kommunia ..........	11,3	11,2	12,5	11,8	11,4
Kommune Qeqertalik .........	2,9	2,6	2,6	2,6	2,5
Avannaata Kommunia ........	10,8	9,6	9,7	10,7	10,1
Paasissutissartaqanngitsut .....	5,3	5,9	5,4	5,2	6,5
Katillugit..................	100,0	100,0	100,0	100,0	100,0

Najoqqutaq: bank.stat.gl/esd3a

 

Titartagaq 2-imi takutinneqarpoq akissarsialiussat agguaqatigiissinneri kom­muninut agguaallugit. 2020-mi agguaqatigiissillugu akissarsialiussat 2016-imut naleqqiullugit kommunini tamani qaffariarsimapput. Procentinngorlugu qaffariarneq annerpaaq pisimavoq Kommuneqarfik Sermersuumi, 2016-imiit 2020-mut qaffariaat 18,3 procentiulluni.

 

Titartagaq 2. Agguaqatigiissillugu akissarsialiussat kommuninut agguaallugit, 2016 aamma 2020

Najoqqutaq: bank.stat.gl/esd3a

 

Titartagaq 3-imi takuneqarsinnaavoq suliffeqarfiit 739-t akissarsialiornerit annertussusaannik 100.000 – 250.000-inik akissarsianik tunisisimasut. 624-t 250.000-500.000-inik akissarsianik tunisisimasut aammalu 513-it 10.000-50.000-inik tunisisimasut. Aalisakkanut pisanullu tunisanut kisitsisini paasis­sutissani aalajangersimasumik killiliussaqanngilaq, taamaattumillu suliffeqar­finni annerpaat pingajuattut 10-50.000-inik akissarsialiussani ilaapput, inuussutissarsiutigalugu piniartunit tunisat nalunaarsorneqarsimasut tamak­kerlugit ilaatinneqarmata. Ukiup siulianut naleqqiullugu 2020-mi 10.000-50.000-inik tunisisimasut appariarsimapput, appariaat 16 pct.-iulluni

 

Titartagaq 3. Suliffeqarfiit amerlassusaat, akissarsialiornerit annertus­susaat malillugit, 2016-2020

Najoqqutaq: bank.stat.gl/esd5a

 

Titartagaq 4-imi takuneqarsinnaavoq suliaqarfimmi Aalisarneq-rup iluani suliffeqarfiit amerlanerpaajusut. Naatsorsueqqissaartarfiup kisitsisaataasiviani suliffeqarfiit amerlassussaannut paasissutissat agguaqatigiissillugu akissarsia­liussat suliaqarfinnut agguataarneri katiterneqarsinnaapput. Assersuutigalugu tabelli bank.stat.gl/esd1a. Tassani takuneqarsinnaavoq suliaqarfimmi Aalisar­nermi suliffeqarfiit tamarmik agguaqatigiissillugu 1 mio. kr.-nit pallillugit akissarsiaqartitsisimasut.

 

Titartagaq 4. Suliffeqarfiit amerlassusaat, suliaqarfiit pingaarnerit malillugit, 2016-2020

Najoqqutaq: bank.stat.gl/esd6a